Татарстанда төнге салкыннан соң һава +14 градуска кадәр җылыначак

Татарстанда төнге салкыннардан соң һава +9…+14 градуска кадәр җылыначак. Казанда температура +11…+13 градус тәшкил итәчәк.

Татарстан Гидрометеорология үзәге фаразы буенча, алмашынучан болытлы һава торышы көтелә, зур явым-төшемнәр булмаячак. Көньяк-көнчыгыштан искән җилнең тизлеге секундына 4–9 метр булачак.

Моңа кадәр синоптиклар Татарстанда октябрьнең өченче ункөнлеге нинди булачагын сөйләгән иде.

Фото: ТНВ