Синоптиклар Татарстанда температураның кискен үзгәрүе турында кисәтте

Чәршәмбе, 28 октябрьдә, Татарстанда аз болытлы һава торышы көтелә, явым-төшемнәр булмаячак. Җилнең тизлеге секундына 3–8 метр тәшкил итәчәк, дип хәбәр иттеләр Татарстан Гидрометеорология үзәгендә.

Синоптиклар фаразы буенча, температура шактый нык үзгәрәчәк. Чәршәмбегә каршы төндә һава температурасы +1…-4 градуска кадәр төшәчәк. Көнчыгыш һәм кайбер көньяк районнарда -8 градуска кадәр салкын булырга мөмкин. Көндез һава сентябрьдәге кебек +10…+15 градуска кадәр җылыначак.

Алдагы төндә Казанда термометр баганалары +1…-1 градуска кадәр төшәчәк. Түбән урыннарда һава температурасы -4 градуска кадәр җитәргә мөмкин. Көндез шәһәрдә һава +11…+13 градуска кадәр җылыначак.

Фото: сгенерировано ИИ / ТНВ