Түбәдәге кар һәм юлларны каплаган машиналар: Казанда кышкы әзерлекне тикшерәләр

Түбәдән карны вакытында көрәргә, ә машиналарны микрорайоннарга керү һәм чыгу юлларыннан алырга! Көннәр җылы торуга карамастан, Казан кышка әзерлек мәшәкатьләре белән яши.

Узган ел башкалада ким дигәндә 10 йортның түбәсе ишелде. Бүген шәһәр мэриясендә - мондый хәл кабатланырга тиеш түгел, дип белдерделәр. Алар барысы да сабак булган.

Ел башыннан Казанның административ-техник инспекциясе идарәсе 3 мең ярымга якын хокук бозу очрагын ачыклый. Узган ел белән чагыштырганда, 50% ка күбрәк беркетмә төзелгән. Гөлназ Сәйфетдинова нинди мәсьәләләрне хәл итәргә кирәклеген күреп кайтты.