Татарстанда төнлә -8 градуска кадәр салкын булачак

Пәнҗешәмбе, 29 октябрьдә, Татарстанда төнлә һәм иртән томан көтелә. Көндез болытлы һава торышы булачак, явым-төшемнәр көтелми. Көньяк-көнбатыштан һәм көнбатыштан искән җилнең тизлеге секундына 3–8 метр тәшкил итәчәк.

Татарстан Гидрометеорология үзәге фаразы буенча, 29 октябрьгә каршы төндә республикада һава температурасы +1…-4 градуска кадәр төшәчәк. Көнчыгыш һәм көньяк районнарда урыны белән -8 градуска кадәр салкын булырга мөмкин. Көндез һава яңадан +9…+14 градуска кадәр җылыначак.

Алдагы төндә Казанда термометрлар +1…-1 градус күрсәтәчәк, түбән урыннарда һава температурасы -4 градуска кадәр төшәчәк. Татарстан башкаласында көндез иң югары температура +10…+12 градус булачак.

Фото: сгенерировано ИИ / ТНВ