Татарстанда 30 октябрьдә явым-төшемсез һава торышы көтелә

30 октябрь, җомга көнне, Татарстанда алмашынучан болытлы һава торышы көтелә, явым-төшемнәр булмаячак. Татарстан Гидрометеорология үзәге фаразы буенча, көньяк-көнбатыштан искән җилнең тизлеге секундына 3–8 метр тәшкил итәчәк.

Алдагы төндә республикада һава температурасы +1…-4 градуска кадәр төшәчәк. Көнчыгыш һәм көньяк районнарда урыны белән -9 градуска кадәр салкын булырга мөмкин. Көндез һаваның иң югары температурасы +9…+14 градус тәшкил итәчәк.

30 октябрьгә каршы төндә Казанда термометр баганалары +1…-1 градуска кадәр төшәчәк, түбән урыннарда һава температурасы -4 градуска җитәргә мөмкин. Төш вакытыннан соң Татарстан башкаласында һава +11…+13 градуска кадәр җылыначак.

Фото: сгенерировано ИИ / ТНВ