Томанлы иртә: Казанда һава температурасы +8 градустан артмаячак

Бүген Татарстанда һава +4…+9 градуска кадәр җылыначак. Казанда көндез һава температурасы +6…+8 градустан артмаячак.

Татарстан Гидрометеорология үзәге фаразы буенча, иртән урыны белән томан төшәргә мөмкин. Әлегә сизелерлек явым-төшемнәр көтелми.

Синоптиклар фаразына караганда, яңгыр һәм кар сишәмбе көнне башланачак. Исегезгә төшерәбез: Татарстан башкаласында октябрь ае температура рекорды белән тәмамланды. Бу — ай дәвамында теркәлгән алтынчы рекорд.

Фото: TNV.RU