Татарстанда бүген яңгыр һәм җепшек кар явачак

Бүген Татарстанда һава температурасы 0…+4 градуска кадәр күтәреләчәк. Казанда термометр баганалары +1…+3 градус күрсәтәчәк.

Синоптиклар бүген яңгыр һәм җепшек кар рәвешендә аз һәм уртача явым-төшемнәр көтелүен фаразлый. Көндез урыны белән кыска вакытлы буран чыгачак.

Кайбер урыннарда көнбатыштан һәм төньяк-көнбатыштан искән җилнең көчәюе, тизлеге секундына 14 метрга кадәр җитүе мөмкин. Юлларда урыны белән бозлавык барлыкка киләчәк.

Фото: TNV.RU