Помидор тизрәк кызарсын өчен нишләргә кирәк?

"Кызыл Таң" газетасында эшләүче хезмәттәшләребез помидор үстерү буенча киңәшләре белән бүлеште. Без аларны сезгә дә тәкъдим итәбез.

"Быелгы җәйдән кояш нурларын сорап кына алабыз. Шуңа да помидорларны кызарту бик авыр. Ә сез белә идегезме, тоз помидорны тизрәк кызарта, балландыра, корткычлардан сакларга булыша.

1 чиләк бүлмә температурасындагы суга 1 аш кашыгы тоз һәм 1 стакан агач көле кушарга, 1 сәгать төнәтергә һәм һәр төпкә 0,5әр литр сибәргә була.

Тозлы су чөгендерне дә балландыра. Туфракта натрий җитмәгәндә, чөгендернең яфраклары кызара. Бу очракта 10 литр суга 1 стакан аш тозы салып эретәләр һәм җиргә сибәләр", - дип яза хезмәттәшләребез.

Фото: pixabay