Лаеш районында авыл хуҗалыгы өчен алдынгы технологияләрне тәкдим иттеләр - видео

Кичә Лаеш районында авыл хуҗалыгы өчен алдынгы технологияләрне тәкдим иттеләр. ТНВ хәбәрчеләре әлеге технологияләр белән танышып кайтты.

Чәчүлек җирләренең мәйданын экранда күрсәтүче җайланма, туфрактагы дымлылыкны үлчәүче станция һәм мул уңыш бирә торган яңа сортлар. Әлеге яңалыкларны Татарстанның 43 районыннан җыелган авыл хуҗалыгы белгечләренә күрсәттеләр. Биредә Кыр көне ачылды. Уңышны саклап калу һәм арттыру өчен республикада нәрсәләр эшләнә?

Мәсәлән, җилнең юнәлешен һәм тизлеген билгели, туфракның дымлылыгын күрсәтә һәм явым-төшемнәр күләмен санап чыгара торган җайланма. Ул — бик тиздән агрономнарның уң кулына әйләнәчәк ди белгечләр. Басу-кырлардагы һава торышын хәзер лабораторияләрдән генә дә карап белеп булачак.