Язгы авыл хуҗалыгы ярминкәләре ТР башкаласында 16 мартта башлана

Иртәгә, 16 мартта, Казанда авыл хуҗалыгы ярминкәләре узачак. Продукцияне түбән бәяләр буенча республиканың 22 муниципаль районы һәм Татарстанның агросәнәгать комплексының 19 оешмасы тәкъдим итәчәк.

Сәүдә 6:00 сәгатьтән 13:00 сәгатькә кадәр оештырылачак, дип хәбәр итә Казан мэриясе матбугат хезмәте. 

Түбән бәяләр буенча шәһәр халкы ит, яшелчә һәм ярдәмче хуҗалык ихтыяҗлары өчен товарлар сатып ала алачак.

Фото: kzn.ru, Денис Гордийко