Татарстанда көзге авыл хуҗалыгы ярминкәләре башланды | Адымнар

Зур шәһәрләрдә Республиканың төп социаль проекты - авыл хуҗалыгы ярминкәләре башланып китте. Министр Марат Җәббаров әйтүенчә, хәзер Казанны көзге ярминкәләрсез күз алдына китереп булмый. Аңа ихтыяҗның никадәр зур булуы - бер санда күренә. Узган ел ярминкәләрдә шәһәрләргә 2 миллиард сумлык азык-төлек кертелгән. Иң күп сатылганы - бәрәңге, суган, сыер ите, сөт һәм шикәр комы.

Көзге сәүдә Республика Рәисе карары бн бездә 16нчы елын оештырыла. Шушы чорда ярминкә инфраструктурасы дигән төшенчә барлыкка килде. Әйтик, узган ел 6 сату урыны ремонтланган, аларда җылытылган ветеринария пунктлары ачыла. Җитештерүче белән сатып алучы арасын якынайткан проектның иктисадый файдасы турында Инзилә Хөсәенова сөйләр.