Америкада ракета төзү компаниясен оештырган Надир Баһавиев: телне онытмас өчен "YouTube"та ТНВ карадым

Татар гимназиясендә укып, ким дигәндә 3 тел белгән кешегә дөнья ачык, галәм киң. Андыйлар өчен яшәү урыны буенча да, хыялга ашырасы идеяләр буенча да чикләр юк.

Моны Надир Баһавиев раслады инде. Татарстанда туа, Америкада ракета төзү ширкатен булдыра ул. Алар гаиләсе белән 2000 нче елларда күченеп киткән була. Хәзер Казанга кайтты. Сагыну да юк түгел, яңа идеяләре дә бар. Ул аларны кайдадыр түгел - Татарстанда тормышка ашырырга тели.

 Америкада яшәп, татарча уйлап, сөйләшеп, планнар коручы Надир белән без дә аралаштык.