Татарстанда коронавирус 60 кешедә ачыкланган

Татарстанда коронавирус белән авыруның 60 яңа очрагы ачыкланган. Бу хакта Сәламәтлек саклау министрлыгының матбугат хезмәте хәбәр итә.

60 кешенең егерме дүртен ашыгыч рәвештә хастаханәгә озатканнар, калганнары үз йортларында дәваланачаклар.

Иң күп зарарлану очраклары Казан һәм Яр Чаллы шәһәрләренә туры килә. Шулай ук Норлат һәм Тукай районнарында да күрсәткечләр артып киткән.

Фото: ТНВ