Татарстанда коронавирус белән авыручылар саны 71 арткан

Татарстанда коронавирус белән авыруның 71 яңа очрагы ачыкланган. Бу хакта Сәламәтлек саклау министрлыгының матбугат хезмәте хәбәр итә.

71 кешенең егермесен ашыгыч рәвештә хастаханәгә озатканнар, калганнары үз йортларында дәваланачаклар.

Иң күп зарарлану очраклары Казан һәм Яр Чаллы шәһәрләренә туры килә. Алексеевск, Арча һәм Балык Бистәсе районында күрсәткечләр артып киткән.

Фото: pixabay.com