Татарстанда соңгы тәүлектә коронавирус белән 100 кеше авырый башлады

Татарстанда коронавирус белән авыруның 100 яңа очрагы ачыкланган. Бу хакта Сәламәтлек саклау министрлыгының матбугат хезмәте хәбәр итә.

100 кешенең утыз икесен ашыгыч рәвештә хастаханәгә озатканнар, калганнары үз йортларында дәваланачаклар.

Иң күп зарарлану очраклары Казан шәһәренә туры килә. Биредә 47 кеше авырый. Тагын 24 һәм 7 очрак Яр Чаллы һәм Түбән Кама районына туры килә.

Фото: pixabay.com