Татарстанда тәүлек эчендә 110 кеше коронавирус белән зарарланган

Татарстанда коронавирус белән авыруның 110 яңа очрагы ачыкланган. Бу хакта Сәламәтлек саклау министрлыгының матбугат хезмәте хәбәр итә.

110 кешенең утыз берен ашыгыч рәвештә хастаханәгә озатканнар, калганнары үз йортларында дәваланачаклар.

Иң күп зарарлану очраклары Казан һәм Яр Чаллы шәһәрләренә туры килә. Биредә 52 һәм 27 кеше авырый. Әлмәт һәм Түбән Кама районнарында 9 һәм 5 авыру очрагы табылган.

Фото: pixabay.com