Татарстанда коронавирус нәтиҗәсеннән тагын 10 кеше вафат булган

Сәламәтлек саклау министрлыгы билгеләп үткәнчә, Татарстанның тагын 10 кешесе коронавирус нәтиҗәсендә вафат булган. Шулай итеп, ТР да пандемия башыннан корбаннарының гомуми саны 857гә җиткән.

Алар арасында 66 яшьтән 79 яшькә кадәр булган өч ир-ат, шулай ук 49 яшьтән 65 яшькә кадәрге җиде хатын-кыз бар.

Аларның үлем сәбәбе патологоанатомик экспертиза нәтиҗәсендә расланган.

Фото: pixabay.com