Вакцина ясатканнарга, авырганнарга яки сәламәтлеге буенча прививка ясата алмаучыларга бердәм сертификат булачак

Россиянең сәламәтлек саклау министрлыгы коронавирустан вакцина ясату буенча белешмә һәм сертификатның бердәм кәгазләрен раслады. Бу документ прививка кадаткан, коронавирус белән авырган яки вакцина ясатырга ярамаган кешеләргә биреләчәк.

Ул кәгазь килеш тә гамәлдәме, яки аңа QR-код аласымы? Моңа кадәр бирелгәннәре гамәлдә калырмы? Бу хакта Гөлназ Сәйфетдинова белеште.

Хәзер исә, һәркемдә бертөрле белешмә булачак. Ил буенча барлык сәламәтлек саклау оешмалары өчен сертификатның бердәм кәгазь формасы расланды. Ул вакцина ясатканнарга, авырганнарга яки сәламәтлеге буенча прививка ясата алмаучыларга бирелә.