Татарстанда коронавирус аркасында 7 кеше вафат булды

Татарстан сәламәтлек саклау министрлыгы коронавирустан үлүчеләр саны буенча статистиканы яктыртуны дәвам итә. Узган тәүлектә республикада 7 үлем очрагы теркәлгән.

Шулай итеп, ТРда COVID-19 вирусы корбаннарының гомуми саны 1145 кә җиткән. Кавидның яңа корбаннары 80, 66, 58 һәм 57 яшьлек дүрт ир-ат, шулай ук ике 72 яшьлек һәм бер 61 яшьлек хатын-кыз бар.

Татарстанда яшәүчеләрнең үлем сәбәпләре патологоанатомик экспертиза барышында расланган.

Фото: pixabay.com