Татарстанда коронавирустан 29 яшьлек кыз вафат булган

Татарстанда коронавирустан 29 яшьлек кыз вафат булган. Аннан кала, ТР сәламәтлек саклау министрлыгы тагын 12 үлем очрагын теркәгән.

Шулай итеп, ТРда COVID-19 вирусыннан үлүчеләрнең гомуми саны 1177 гә җиткән. Яңа корбаннар арасында 55тән 82 яшькә кадәрге сигез ир-ат, шулай ук 29дан 82 яшькә кадәрге биш хатын-кыз бар.

Татарстанлыларның үлем сәбәпләре патологоанатомик экспертиза барышында расланган.

Исегезгә төшерәбез, бүген Татарстанда җәмәгать транспортында QR-кодлар белән йөрү гамәлгә кертелә.

Фото: pixabay.com