Татарстанда тагын 252 кешедә коронавирус тапканнар

Татарстанда коронавирус белән авыруның 252 яңа очрагы ачыкланган. Бу хакта Сәламәтлек саклау министрлыгының матбугат хезмәте хәбәр итә.

252 кешенең җитмеш сигезен ашыгыч рәвештә хастаханәгә озатканнар, калганнары үз йортларында дәваланачаклар.

Иң күп зарарлану очраклары Казан һәм Яр Чаллы шәһәрләренә туры килә. Биредә 178 һәм 13 кеше авырый.

Нурлат районында 9 авыру очрагы теркәлгән.  Түбән Кама районында табиблар 8 «коронавирус» диагнозын куйдылар.

Фото: ТНВ