Авырлы хатын-кызлар арасында коронавируска каршы вакцина алучылар саны арта

Авырлы хатын-кызлар арасында коронавируска каршы вакцина алучылар саны арта. Аларга прививканы йөклелекнең 22нче атнасыннан соң ясатырга ярый. Булачак әниләргә Спутник ви кадыйлар.

Республикада инде 2 меңгә якын авырлы хатын-кыз вакциналаштыру узган. Моның өчен махсус анализлар бирергә кирәкме? Ничек әзерләнергә?

Гөлназ Билалова өченче баласын көтә. Хәзер ул йөклелекнең 37нче атнасында. Әти-әнисе һәм ире вакцина ясаткан инде. Бүген Гөлназ да прививка кадатырга килгән. Үзенә һәм баласына корнавирус йоктырудан курка.