Татарстанда тагын 10 кеше коронавирустан вафат булган

Татарстан сәламәтлек саклау министрлыгы коронавирустан үлүчеләр саны буенча статистиканы шәрехләүне дәвам итә. Узган тәүлек эчендә генә дә республика 10 кеше коронавирус корбаны булган.

Шулай итеп, ТРда COVID-19 вирусы корбаннарының гомуми саны 1215 гә җиткән. Яңа үлүчеләр арасында 67 яшьтән 77 яшькә кадәрге өч ир-ат бар. Моннан тыш, 59-83 яшьлек җиде хатын-кыз ковид нәтиҗәсеннән үлә.

Ведомствода билгеләп үткәнчә, татарстанлыларның үлем сәбәпләре патологоанатомик экспертиза барышында расланган.

Элегрәк хәбәр ителгәнчә, Татарстанда 2021 ел башыннан COVID-19 вирусыннан 17 табиб, шулай ук алты йөкле хатын-кыз үлгән, аларның икесе башка төбәкләрдә яшәүче хатын-кызлар.  

Фото: pixabay.com