Татарстанда коронавирустан тагын 10 кеше вафат булган

Сәламәтлек саклау министрлыгының яңартылган мәгълүматлары буенча, узган тәүлектә Татарстанда коронавирустан тагын 10 үлем очрагы теркәлгән. Шулай итеп, пандемия башыннан ТР вафат булучыларның гомуми саны 1240 җиткән.

COVID-19 вирусының яңа корбаннары 46 яшьтән алып 87 яшькә кадәрге дүрт ир-ат, шулай ук 67дән 89 яшькә кадәрге алты хатын-кыз булган.

Татарстанлыларның үлем сәбәпләре патологоанатомик экспертиза барышында расланган.

Элегрәк хәбәр ителгәнчә, Татарстанның тагын 253 кешесе тәүлек эчендә коронавирус йоктырган.Хастаханәгә 75 кешене җибәргәннәр.

Фото: pixabay.com