Татарстанда коронавирустан тагын 8 кеше вафат булган

Татарстанда узган тәүлектә COVID-19 вирусыннан республиканың тагын сигез кешесе үлгән. Пандемия башланганнан бирле ТРда коронавирус корбаннарының гомуми саны 1248 җиткән. Бу хакта Сәламәтлек саклау министрлыгының Матбугат хезмәте хәбәр итә.

Ковидның яңа корбаннары арасында 57 һәм 79 яшьлек ике ир-ат, шулай ук 68 яшьтән 89 яшькә кадәрге алты хатын-кыз бар.

Ведомствода билгеләп үткәнчә, татарстанлыларның үлем сәбәпләре патологоанатомик экспертиза барышында расланган.

Фото: скриншот ТНВ