Татарстанда коронавирус белән авыручылар саны 194 арткан

Татарстанда коронавирус белән авыруның 194 яңа очрагы ачыкланган. Бу хакта Сәламәтлек саклау министрлыгының матбугат хезмәте хәбәр итә.

194 кешенең җитмеш икесен ашыгыч рәвештә хастаханәгә озатканнар, калганнары үз йортларында дәваланачаклар.

Иң күп зарарлану очраклары Казанга, Кама Тамагына һәм Сабага туры килә. Биредә 90, 17 һәм 16 кеше авырый.

Яр Чаллы һәм Түбән Кама районнарында 8әр авыру очрагы теркәлгән. Нурлат һәм Арча районнарында 7 һәм 6 кешегә «коронавирус» диагнозын куйдылар.

Фото: ТНВ