Татарстанда коронавирустан тагын ике хатын-кыз һәм ике ир-ат үлгән

Узган тәүлектә Татарстан Сәламәтлек саклау министрлыгы коронавирус аркасында тагын дүрт үлем очрагын теркәгән. Шулай итеп, ТРда COVID-19 вирусы корбаннарының гомуми саны 1420гә җиткән.

Һәлак булучылар арасында 67 яшьтән алып 85 яшькә кадәрге ике хатын-кыз һәм ике ир-ат бар.

Ведомствода билгеләп үткәнчә, татарстанлыларның үлем сәбәпләре патологоанатомик экспертиза барышында билгеләнгән.

Кичә хәбәр ителгәнчә, Татарстанда коронавирусны тагын 100 кеше йоктырган.

Фото: pixabay.com