Татарстанда коронавирустан үлүчеләр саны 1500дән артып китте

Татарстанда коронавирус корбаннарының рәсми саны 1501гә җиткән. Узган тәүлек эчендә ТР Сәламәтлек саклау министрлыгы COVID-19 вирусы белән бәйле тагын дүрт үлем очрагын теркәгән.

Һәлак булучылар арасында 86 яшьлек хатын-кыз, шулай ук 74, 83 һәм 88 яшьлек өч ир-атлар бар.

Ведомствода билгеләп үткәнчә, татарстанлыларның үлем сәбәпләре патологоанатомик экспертиза барышында расланган.

Фото: pixabay.com