Татарстанда коронавирус белән зарарланучылар саны 1 977гә кадәр кимегән

Татарстанда коронавирус белән авыручыларның 1977 яңа очрагы теркәлгән. Бу хакта Сәламәтлек саклау министрлыгының матбугат хезмәте хәбәр итә.

Иң күп зарарлану очраклары Казанга, Яшел Үзәнгә һәм Түбән Камага туры килә. Биредә 1128, 150 һәм 130 кеше авырый.

Узган атна белән чагыштырганда авырулар саны 30 процентка кимегән.

Яр Чаллыда - 70, Әлмәт районында – 52 очрак, Лениногорск һәм Арча районнарында 49 һәм 40 очрак теркәлгән. Тәүлек эчендә коронавирус Татарстанның 42 муниципалитетында ачыкланган.

Фото: ТНВ