Татарстанда коронавирустан 1819 кеше үлгән

Татарстанда COVID-19 вирусыннан пандемия башланган көннән бирле 1 819 кеше үлгән. Узган тәүлек эчендә ТР Сәламәтлек саклау министрлыгы тагын 5 үлем очрагын теркәгән.

Корбаннар арасында 61, 69 һәм 80 яшьлек өч ир-ат, шулай ук 69 һәм 76 яшьлек ике хатын-кыз бар.

Ведомствода билгеләп үткәнчә, татарстанлыларның үлем сәбәпләре патологоанатомик экспертиза барышында расланган.

Фото: pixabay.com