Өченче көн рәттән Татарстанда 245 кеше коронавирус йоктырган

Татарстанда коронавирус белән авыручылар саны кимү темпы акрынайды. Бу хакта инфекциягә каршы көрәш буенча республика оператив штабының көндәлек мәгълүматлары сөйли.

Аерым алганда, өч көн рәттән  245 зарарлану очрагы теркәлгән. 59 авыру хастаханәдә, калганнары өй шартларында дәваланачак.

Исегезгә төшерәбез, Татарстанда пандемия башланганнан бирле коронавирус корбаннарының рәсми саны 1 949га җиткән. Тәүлек эчендә ТР Сәламәтлек саклау министрлыгы өч үлем очрагын теркәгән.

Фото: ТНВ