Татарстанда тәүлек эчендә коронавирус белән зарарланучылар саны 153кә кадәр кимегән

Татарстанда соңгы тәүлектә коронавирус белән 153 зарарлану очраклары ачыкланган. 61 кеше дәвалануны хастаханәдә дәвам итә, калганнары үз йортларында дәваланачак.

Моннан тыш, стопкоронавирус.рф порталы мәгълүматлары буенча, узган тәүлек эчендә Татарстанда бер үлем очрагы да теркәлмәгән. Республикада пандемия башланганнан бирле 1 993 COVID-19 вирусы корбаны теркәлгән.

Элегрәк Татарстанның баш кардиологы Зөлфия Ким коронавирус белән авырган кеше терелгәннән соң бер ел узгач та йөрәк-кан тамырлары системасының яңа борчулары барлыкка килергә мөмкин, дип искә төшерде.

Фото: ТНВ