Татарстанда 56 кешене коронавирус белән хастаханәгә салганнар

Узган тәүлек эчендә Татарстанда «коронавирус» диагнозы белән 56 кешене хастаханәгә салганнар. 24 сәгать эчендә барлыгы 76 зарарлану очрагы расланган.

Узган тәүлек эчендә республикада бер үлем очрагы да теркәлмәгән. Шулай итеп, Татарстанда COVID-19 вирусы корбаннары саны пандемия башланганнан бирле 1 997дә саклана.

Татарстан Президенты Рөстәм Миңнеханов белдергәнчә, коронавирус белән авыручылар саны арткан очракта, республикада битлек режимы кертеләчәк.

Фото: стопкоронавирус.рф