Татарстанда 98 кеше коронавирус белән хастаханәгә эләккән

Узган тәүлектә Татарстанда коронавирус йогышы белән зарарлануның 138 очрагы теркәлгән. 98 кеше хастаханәгә яткан.

Моннан тыш, стопкоронавирус.рФ порталы мәгълүматлары буенча, 24 сәгать эчендә Татарстанда бер генә үлем очрагы да теркәлмәгән. Шулай итеп, COVID вирусы корбаннарының рәсми 1 999 билгесендә саклана.

Исегезгә төшерәбез, коронавирус белән авыручылар саны арту сәбәпле, Татарстан Президенты Рөстәм Миңнеханов хезмәт коллективларында битлек режимын кертергә, шулай ук прививка ясау кампаниясен көчәйтергә тәкъдим итте.