Соңгы тәүлектә Татарстанда 247 кеше коронавирус йоктырган

Узган тәүлектә Татарстанда 247 коронавирус белән зарарлану очрагы теркәлгән. Бу хакта стопкоронавирус.рф сайтында хәбәр ителә.

58 авыру хастаханәгә яткан, калганнары үз йортларында дәвалана. Соңгы тәүлектә үлем очраклары теркәлмәгән. Пандемия башланганнан бирле Татарстанда 2000 кеше әлеге авырудан вафат булды.

Исегезгә төшерәбез, Татарстанда коронавирус йогышы белән зарарлану очраклары арту сәбәпле, Республика Президенты Рөстәм Миңнеханов хезмәт коллективларында битлек режимын кертергә, шулай ук прививка кампаниясен көчәйтергә тәкъдим итте.

Фото: pixabay