Тирән итеп сулагыз - Татарстанда вакцинаны борын куышлыгы аша сала башладылар

Республикада, коллектив иммунитет булсын өчен, миллион ярым кеше ревакцинация ясатырга тиеш. Димәк, алар кайчандыр ясаткан прививканың тәэсире беткән. Әлегә 450 мең кеше генә кабат кадатырга килгән.

Узган атнада вакцинаны борын куышлыгы аша сала башладылар. Яңача. Шуның белән кызыктыра да күрәсең. Беренче көнне үк аны 200 кеше ясаткан. Атна ахырына андыйлар 2000нән артты. Илгиз Шәкүров репортажны төшерер өчен интраназаль прививка ясатып карарга булды.