"Ураза гаете мөбарәк булсын!" - туры трансляция

Бүген Бөтендөнья мөселманнары елның иң күркәм бәйрәмнәренең берсе — Ураза гаетен бәйрәм итә.

Бәйрәм чыгарылышын «ТНВ-Татарстан» һәм «ТНВ-Планета» каналларында карый аласыз. Трансляциянең башлану вакыты — 6:45 сәгатьтә.

Республиканың шәһәр мәчетләрендә 6:30 сәгатьтә Коръән аятьләрен укып башланачак һәм 7:00 сәгатьтә гает вәгазьләре белән дәвам итәчәк. Гает намазы 7.30 сәгатьтә укылачак.

Авыл җирлекләрендә иртәнге намаз 03:00 сәгатьтә укылачак, 04:00-дә гает вәгазе башлана, гает намазы 4:30 сәгатькә билгеләнгән.

Исегезгә төшерәбез, Ураза гаете көнендә Казанда «Рамазан-Фест» узачак.

Трансляцияне ТНВ Татарча Вконтакте төркемендә карый аласыз.