Татарстанда тәүлек эчендә коронавирус белән зарарланучылар саны 176га кадәр кимегән

Татарстанда тәүлек эчендә коронавирус белән зарарлану очраклары 176га кадәр кимегән. 71 кеше дәвалануны хастаханәдә, калганнары йорт шартларында узачак.

Стопкоронавирус.рф порталы мәгълүматлары буенча, узган тәүлек эчендә бер генә татарстанлы да коронавирустан үлмәгән. Шулай итеп, COVID-19 вирусы корбаннарының рәсми саны 1 993 булып саклана.

Табиб-пульмонолог Андрей Белевский, коронавирус инфекциясеннән соң сулыш системасында калган үзгәрешләр, сәламәт яшәү рәвешен саклаган очракта, кискен зыяннардан башка гына узарга мөмкин, дип белдерде.

Фото: ТНВ