https://tnv.ru
11 Август 2022, 15:27
724
0
Укулар Идел буе Болгар дәүләтендә Ислам динен кабул итүгә 1100 ел, Мунчәли авылы мәчетенә нигез салынуга 25 ел тулуны билгеләп үтү чаралары кысаларында оештырыла.
![Чүпрәледә XV “Мунчәли укулары” узачак](https://s.tnv.ru/iblock/adb/adb33ad21a9b734743cd13c72811c43d/IMG_0675_0.jpg)
20 август Чүпрәле мөхтәсибәтенең Мунчәли авылында унбишенче тапкыр “Мунчәли укулары” дини фәнни-гамәли конференциясе узачак. Дини җыен - Идел буе Болгар дәүләтендә Ислам динен кабул итүгә 1100 ел, Мунчәли авылы мәчетенә нигез салынуга 25 ел тулуны билгеләп үтү чаралары кысаларында оештырыла.
Быелгы “Мунчәли укулары” “Авыллардагы рухи-мәдәни мирасны һәм гореф-гадәтләрне саклауда һәм үстерүдә дини кыйммәтләрнең әһәмияте” темасына багышлана, дип хәбәр итә Татарстан Республикасы мөселманнарының Диния нәзарәте матбугат хезмәте.
Укуларда Татарстан Республикасыннан гына түгел, шулай ук күрше төбәкләрдән - Чувашия, Мордовия, Мари Эл Республикаларыннан, Ульяновск, Самара, Түбән Новгород өлкәләреннән күренекле дин әһелләре, галимнәр, танылган җәмәгать эшлеклеләре катнашыр дип көтелә.
“Мунчәли укулары” кысаларында мөселман балалары арасында районкүләм шәкертләр бәйрәме - “Гыйлемпиада” да оештырылачак. Программада - Коръән уку, азан әйтү, вәгазъ сөйләү буенча бәйгеләр, викториналар, Сабан туенда уйнала торган уеннар бар.
Фото: dumrt.ru
Быелгы “Мунчәли укулары” “Авыллардагы рухи-мәдәни мирасны һәм гореф-гадәтләрне саклауда һәм үстерүдә дини кыйммәтләрнең әһәмияте” темасына багышлана, дип хәбәр итә Татарстан Республикасы мөселманнарының Диния нәзарәте матбугат хезмәте.
Укуларда Татарстан Республикасыннан гына түгел, шулай ук күрше төбәкләрдән - Чувашия, Мордовия, Мари Эл Республикаларыннан, Ульяновск, Самара, Түбән Новгород өлкәләреннән күренекле дин әһелләре, галимнәр, танылган җәмәгать эшлеклеләре катнашыр дип көтелә.
“Мунчәли укулары” кысаларында мөселман балалары арасында районкүләм шәкертләр бәйрәме - “Гыйлемпиада” да оештырылачак. Программада - Коръән уку, азан әйтү, вәгазъ сөйләү буенча бәйгеләр, викториналар, Сабан туенда уйнала торган уеннар бар.
Фото: dumrt.ru
Бүлешергә
Комментарии 0