Рамазанның беренче көне һәм беренче ифтарлары - видео

Кичә кояш баю белән, Рамазан аеның беренче көне тәмамланды һәм тәүге ифтарлары узды.

Мөселманнар авыз ачарга гаиләләре янәшәсенә, мәчетләргә җыела. Табынны бүген Казан үзәгендәге милли-ресторан комплексында да әзерләгәннәр иде. Мондагы ифтар Төркиядәге җир тетрәүдә зыян күргән кешеләрне искә алып үткәрелә. Ул Төркиянең Казандагы генераль консуллыгы теләктәшлеге белән оештырылган.