Алабуганың «Җәмигъ» мәчетенә килүчеләргә Корбан гаете уңаеннан 30 килограмм пылау өләшкәннәр

Алабуганың «Җәмигъ» мәчетендәге бәйрәм намазында катнашкан һәрбер кешене пылау белән сыйлаганнар. Барысына да җитсен өчен, 30 килограмм ризык әзерләп куелган иде. Бу хакта «Татар-информ» хәбәрчеләренә билгеле булган.

Әлеге мәчеттә вәгазьне Рәнис хәзрәт Сәмигуллин укыган. Ул: «Ислам динен тотучы кешеләрнең ниятләре ихлас булырга тиеш»,- дип искәртте.

Пылауны исә мәчет алдында таратканнар. Аны «Жәмигъ» мәчетендә гыйбадәт кылучылар әзерләгән.

«Бу - безнең күркәм традициябез булып бетте инде. Быел Алабугада яшәүче кардәшләребезне дә сыйлысы килде», - дип уртаклашкан Әбдүҗәлил Хәмрәдҗанов.

Фото: Татар-информ