Хаҗиларның беренче төркеме Мәккәдән Казанга кайтты

Кичә хаҗиларның беренче төркеме Мәккәдән Казанга кайтты. Әлеге 50 кеше Татарстан районнарыннан. Саранск һәм Мәскәүдән, Мордовия һәм Чечен республикаларыннан да хаҗилар бар.

Мөхәммәт Пәйгамбәр соңгы вәгазен укыган Гарәфә тавына менү, Минага бару, таш ату йолаларын быел республикадан 1 800 кеше үтәгән.

Казан аэропортында хаҗиларны каршы алучылар арасында республика мөфтие Камил хәзрәт Сәмигуллин да бар иде. Соңгы төркемне 17нче июльдә көтәләр.