Балык бистәсендә төзекләндерүдән соң 122 еллык тарихи мәчет ачылды

19 августта, Балык бистәсе районы Мәмле Казаклар Чаллысы авылында төзекләндерүдән соң Әхмәтвәли мәчете үз ишекләрен ачып җибәрде. Бу хакта Татарстан мөселманнары Диния нәзарәте матбугат хезмәте хәбәр итә.

Балык бистәсе районында сакланып калган әлеге борынгы таш мәчеткә 122 ел. Дин иреге кайтканнан соң, ул мәчет буларак 2000нче елда кулланыла башлый. Мәчет 120 кешегә исәпләнгән, барлык уңайлыклар тудырылган тәһарәтханәсе һәм кухнясы бар.

Бүгенге көндә Балык бистәсе мөхтәсибәтендә 46 мәчет эшләп килә.

Фото: dumrt.ru