Казан - ислам дөньясының 2026 елга мәдәни башкаласы итеп сайланды!

 Казан - ислам дөньясының 2026 елга мәдәни башкаласы!  Бу карар Согуд Гарәбстанының Җиддә шәһәрендә игълан ителде.

Биредә хәзер Ислам дәүләтләре мәдәният министрларының 13нче конференциясе бара. Аның эшендә Татарстан Рәисе Рөстәм Миңнеханов җитәкчелегендәге делегация катнаша.

"Безнең өчен бу дөньяны мәдәниятебез һәм гореф-гадәтләребез белән таныштыру өчен яхшы мөмкинлек. Дусларыбызга - Ислам дөньясы илләренә югары бәя биргәннәре өчен рәхмәт белдерәбез!", - дип яза Татарстан Рәисе үзенең телеграм каналында. 

Фото: t.me/rustamminnikhanov