Чаллыда иң өлкән укучыга 46 яшь

Яр Чаллыда 65нче санлы кичке мәктәпнең 11нче сыйныфында 46 яшьлек ир-ат белем ала. Ул автокалада иң өлкән укучы булып санала.

Яр Чаллының иң яшь укучыларына нибары алты яшь. Андыйлар шәһәрдә 51 теркәлгән. Бу хакта матбугат конференциясендә Чаллының мәгариф идарәсе башлыгы Рөстәм Хуҗин сөйләде.

Спикер билгеләп үткәнчә, Чаллының 81 мәктәбендә барлыгы 71 276 укучы белем ала, бу 2021 ел белән чагыштырганда 2 916 кешегә күбрәк.

Фото: кадр из фильма «Большая перемена»