Казанда идән җимерелгән гимназиянең торышын белгечләр ачыклый - видео

Казанның 9нчы гимназиясендә дәресләр онлайн форматка күчте. 900гә якын бала дәресләрен өйдә укыды.

Шимбә гимназиядәге бер бинада гадәттән тыш хәл килеп чыккан иде. Бишенче блокта идән плитәсе җимерелеп төшә, диварда ярыклар барлыкка килә.

Директор ТНВ хәбәрчесенә әйтүенчә, әлеге бина августта авария хәлендә дип табылган була. Анда ремонт барган. Хәзер бу корылманың торышы нинди булуын белгечләр ачыклый. Шуннан соң гына балаларның кайда белем алачагы билгеле булачак. Тулырак безнең репортажда.