Татарстанда 13 сыйныфны карантинга япканнар

Татарстанда ОРВИ һәм грипп аркасында 13 сыйныфны вакытлыча япканнар. Бу хакта ТНВның "Татарстан хәбәрләре" хәбәрчеләре хәбәр итә.

Республиканың Мәгариф һәм фән министрлыгы мәгълүматлары буенча, авыруларның артуы Казанда, Чаллыда, Түбән Камада һәм Лаеш районында теркәлгән.

Дәресләрне туктатып тору турында карар сыйныфта укучыларның 20%тан артыграгы авырса кабул ителә. Роспотребнадзор хәбәр иткәнчә, соңгы атнада Татарстанда грипп һәм ОРВИ белән авыручылар саны эпидемиядән 8%ка диярлек түбән.

Фото: ru.freepik.com