Татар теле олимпиадасы: 500 катнашучы, 5 чит ил, 30 төбәк

Бу көннәрдә Казанда татар теленнән Халыкара Олимпиада бара. Татарстанның барлык районнарыннан, илнең 30 төбәгеннән һәм 5 чит илдән мәктәп укучылары һәм студентлар килгән.

Австралия, Азәрбайҗан, Кыргызстан, Казахстан, Төркиядә туган телебезне өйрәнүчеләр җыела. Барлыгы - 500 кеше. Татарстанга 13 мең чакрым узып килүчеләрнең дә - тамырлары татарларга барып тоташа.

Шуңа бүген әби-бабаларыбыз юлын дәвам итәбез, диләр. Милләт җанлы яшьләр белән Рүзәл Шәрипов аралашып кайтты.