Укытучылар нәселенең дүртенче буыны: яшь галим Мансур Миннегалиев

Ул - укытучылар нәселенең дүртенче буыны вәкиле. Сүзебез Казан милли-тикшеренү университетындагы квант үзәге фәнни хезмәткәре Мансур Миңнегалиев хакында. Яшь һәм өметле галим, Республиканың Вячеслав Алемасов исемендәге дәүләт премиясе иясе.

Хәзер мәгълүматны ерак араларга тапшыру өчен, "оптик квант хәтер" булдыру белән шөгыльләнә. Без укытучылар көне уңаеннан, аның ни өчен фәнгә кереп китүе белән кызыксындык.