Казанда Диләрә Тумашеваның 100 еллыгына багышланган «Тумашева укулары» ачылды

Казанда - танылган галимә, тел белгече, Россия һәм Татарстанның атказанган фән эшлеклесе - Диләрә Тумашеваны искә алдылар.

Быел аның тууына 100 ел. Шул уңайдан КФУның филология һәм мәдәниятара багланышлар институтында «Тумашева укулары» ачылды. Россия, Казахстан, Үзбәкстан һәм Кыргызстан. Өч көн дәвамында дүрт ил белгечләре һәм галимнәре төрки тел белеме мәсьәләләрен, яңа укыту алымнарын барлаячак. Алар белән якыннан Сиринә Васильева танышып кайтты.